Муҳаммад Саъид Рамазон ал-Бутий, замонамизнинг атоқли олимларидан. 1929 йили Ироқ шимолидаги Туркия ҳудудига кирувчи Бутон жазирасига қарашли Жилка қишлоғида туғилган. Тўрт ёшида отаси билан Дамашққа ҳижрат қилган. Дамашқда маъҳадни, Мисрдаги Ал-Азҳар университетини битирган. 1965 йилдан Дамашқ универститетида шариат факултети мударриси, вакил ва ректор вазифаларида, кейинчалик дин ва ақида қисми бошлиғи бўлиб ишлади. Ҳозир Уммондаги исломий ҳазора тадқиқот академияси ва Оксфорд (Англия) академиясига қарашли олий мажлис аъзосидир. Араб, турк, курд, инглиз тилларини яхши билади. Қирқдан ортиқ турли мавзулардаги китоблари бор, булардан «Кубро яқийниёт ал-кавния», «Фиқҳус-сийра ан-Набавийя», «Ҳазиҳи мушкилотуҳум» кабилар машҳурдир.
