Луғатда «қаноат ҳосил қилди, хўп деди» маъноларини билдиради. Истилоҳда қалбнинг бало ва мусибатларга нисбатан сабри, қазои илоҳийяга нисбатан сурур ва севинчи «ризо» дейилади. Масалан, банда Аллоҳга тоат-ибодат ва итоат билан Унинг ризосига эришади. Аллоҳ таолонинг ҳар бир ҳукмига ва ҳар бир тақдирига рози бўлиш банданинг бурчи саналади. Ботил нарсаларга рози бўлиш туғён ва исён белгисидир. Ризо (розилик) нинг акси рад этиш ва эътироз билдиришдир.
