Луғатда «мукофотлаш, тақдирлаш» маъноларини билдиради. Истилоҳда банданинг дунё ҳаётида қилган хайрли, солиҳ амалларига Аллоҳ таоло тарафидан бериладиган мукофот «савоб» дейилади. Аллоҳ таоло мўмин ва солиҳ бандаларига савоб беришини кўп бора таъкидлаган: «Бас, Аллоҳ уларга бу дунё савобини ва охиратнинг гўзал савобини берди» (Оли-Имрон, 48). Мукофот (савоб) ёки жазо (иқоб) банданинг амалига қараб бўлади.
