Луғатда «суянчиқ» маъносини билдиради. Муҳаддислар истилоҳида эса ҳадис матнига олиб борувчи суянчиқ йўл «санад» дейилади. Ҳар бир хабар (ҳадис) ни санадга, яъни ишончли суянчиққа таяниб қабул қилиш мусулмон умматининг ўзигагина хос хусусиятдир. Мусулмонлардан бошқалар санадга эътибор беришмагани учун пайғамбарлари айтган гаплар ёки қилган ишлар уёқда турсин, ҳатто муқаддас китобларига ҳам ёлғон аралашиб кетиб, ишончини йўқотган.
