Луғатда «турлаш, туслаш» маъноларини билдиради. Истилоҳда араб тили грамматикасининг сўз қурилиши (морфология) қисмини ўргатадиган махсус фан «сарф» деб аталади. Сарф бир сўздан аслий маънода бир-бирига қариндош хилма-хил сўзлар ясашни ўргатадиган фандир. Сарф фанини ўргатишда мадрасаларда «Муъзий», «Занжоний», «Бидон», «Шифоҳия», «Тафсили акмалий», «Мабдаъи сарф», «Жаноҳ ут-толиб» каби дарсликлар ўқитилган.
