Луғатда «қўли очиқ, ҳимматли» маъноларини билдиради. Истилоҳда бировларнинг эҳтиёжларини ошкор қилишларига шароит яратмасдан эҳсон қилиш, берилиши лозим бўлган нарсаларни муносиб жойларга бериш «саховат», яъни сахийлик дейилади. Саховат ва карам энг яхши инсоний фазилатлардандир, Пайғамбаримиз мақтаган сифатлардан. Сахийликнинг акси хасислик, таъмагирлик бўлиб, булар мусулмонга ярашмайдиган қилиқлардан ҳисобланади.
