Абу Абдураҳмон Саҳл ибн Абдуллоҳ ибн Абу Ҳасма ал-Ансорий ал-Авсий (р.а.), ёш саҳобийлардан. Улуғ зотлардан Абу Ҳотам ар-Розий: «Саҳл дарахт остида байъат берган саҳобалардан эди, бундан у Бадрдан ташқари барча ғазотларда иштирок этган, деган хулоса чиқади», деган. Расулуллоҳдан (с.а.в.) бир неча ҳадис ривоят қилганлар. Муовия халифалигининг аввалги даврида вафот этганлар.
