Қуръони каримнинг ўттиз саккизинчи сураси номи, маккий суралардан, 88 оятли, маъносини ёлғиз Аллоҳ таоло биладиган «сод» ҳарфи билан бошлангани учун «Сод сураси» деб аталади. Сурада мушрикларнинг Муҳаммад алайҳиссалом даъватларига қайсарликлари, у зотга таскин-тасалли бўлиши учун аввалда ўтган айрим пайғамбарлар ҳаёти ва уларга ҳам кофирлар етказган озор-азиятлар лавҳаси келтирилади. Бу сурада ҳам Аллоҳ таоло мўминлар учун тайёрлаб қўйган гўзал оқибат + жаннат ва динсиз кофирлар учун ҳозирлаган дўзах ҳақида бир неча оятлар бор.
