Абу Язид Соиб ибн Язид ибн Саид ал-Киндий (р.а.), саҳобалардан. Ҳижрий 2 йили туғилганлар. Ҳажжатул-вадо куни бу зот ва оталари Расулуллоҳ (с.а.в.) билан бирга ҳаж қилишган. Шунда Соиб етти ёшда бўлганлар. Умар ибн Хаттоб халифалик даврларида Мадина бозорларига бошлиқ эдилар. Расули акрамдан 22 та ҳадис ривоят қилганлар. Ҳижрий 91 йили вафот этганлар. Мадинада энг охирги вафот қилган саҳобий шу киши эдилар.
