Луғатда «ярашув, келишув, битим» маъноларини билдиради. Истилоҳда мусулмонлар билан фатҳ этилган ўлкалар аҳолиси ўртасида тузиладиган тинчлик, ярашув битими «сулҳ» дейилади. Унда мусулмонларга тобеъ бўлган юрт ва аҳоли дахлсизлиги, тўланадиган жизя ва солиқлар, икки ўртадаги сиёсий-иқтисодий муносабатлар қамраб олинган. Ислом тарихида Ҳудайбия, Фадақ сулҳлари машҳур.
