Ҳадислар фиқҳ боблари асосида, масалан «Таҳорат китоби», «Намоз китоби» тарзида келтирилиб тасниф этилган китоблар «Сунан китоблари» дейилади. Имом Абу Довуд, Имом Термизий, Имом Насаий ва Имом Ибн Можалар тузган ҳадис китоблари «Сунан»ларнинг энг машҳурларидир. Булар Имом Бухорий ва Муслимларнинг «Саҳиҳ»ларига қўшилиб, «Сиҳоҳи ситта» (олти саҳиҳ ҳадислар китоби)ни ташкил этади.
