Луғатда «тушунтирмоқ, хабар етказмоқ» маъноларини билдиради. Пайғамбаримиз Муҳаммад алайҳиссаломнинг ўзларига нозил қилинган илоҳий ваҳий + Ислом динини бутун инсониятга етказиб англатганлари «таблиғ» дейилади. Исломни бошқа динга эътиқод қилувчилар орасида ёйиш, тушунтириш ва тарғиб қилиш ҳаракати ҳам «таблиғ» деб аталадиган бўлган. «Таблиғ»чилар жамоасига йигирманчи аср бошларида Ҳиндистонда Муҳаммад Илёс деган киши асос солган, бу ҳаракат Покистонда ҳам кенг тарқалган.
