Луғатда «тўплаб кўпайтиришга берилмоқ» маъносини англатади, Қуръони каримнинг бир юз иккинчи сураси номи, Маккий суралардан, 8 оятдан иборат. Унда кўп одамларнинг то жонлари чиқиб, қабрларига киргунларича мол-дунё тўплашга ва ўша арзимас матолар билан бир-бирларига мақтанишга машғул бўлиб, Аллоҳни эслашдан ва У зот буюрган Ҳақ йўлда юришдан юз ўгирганлари баён этилади ва уларга бу қилмишларининг оқибати жаҳаннам экани ҳақида хабар берилади.
