Араблар руҳнинг кўчиб юриши ҳақидаги таълимотни «таносух ал-арвоҳ» дейишади. Истилоҳда ўтганларнинг руҳи (жони) янги туғилган чақалоққа (ҳатто ҳайвонлар ва набототга) кўчиб ўтиб, яшашни давом эттиради, деган тасаввур «таносух» деб аталади. Бу таълимот айрим мазҳаб ва фалсафаларда (масалан юнон фалсафасида, ҳиндукийлик динида) тарқалган. Ислом таълимоти бу ақидани ботил деб ҳисоблаб, рад этади.
