Луғатда “фикр, идрок қилиш” маъноларини билдиради. Аллоҳ таолонинг қудратига далолат қилувчи борлиқдаги мавжудотлар, Унинг яратиш мўъжизалари тўғрисида фикр юритиш «тафаккур» дейилади. Моддий тараққиёт ва маънавий юксалиш ғояларининг барчаси тафаккур воситасида вужудга келади, шунинг учун у ибодатга тенглаштирилган. Тафаккурнинг акси ғафлатдир, бу идрок қилишдан маҳрумлик саналиб, инсонга асло муносиб эмас.
