Қуръони каримнинг ўн тўрт сурасидаги (баъзи мазҳаблар Ҳаж сурасининг икки жойида деб ҳисоблашади) сажда оятлари ўқилганида ёки бошқанинг оғзидан эшитилганида қилинадиган сажда амали «тиловат саждаси» деб аталади. Сажда ояти бўлган суралар қуйидагилар: Аъроф сурасининг 206-ояти, Раъд сурасининг 15-ояти, Наҳл сурасининг 49-ояти, Исро сурасининг 107-ояти, Марям сурасининг 58-ояти, Ҳаж сурасининг 18-ояти, Фурқон сурасининг 60-ояти, Намл сурасининг 24-ояти, Сажда сурасининг 16-ояти, Сод сурасининг 24-ояти, Фуссилат сурасининг 37-ояти, Нажм сурасининг 62-ояти, Иншиқоқ сурасининг 21-ояти, Алақ сурасининг 19-ояти. Ҳайз ва нифосдаги аёлларга сажда оятини ўқиш ва эшитиш билан тиловат саждаси вожиб бўлмайди.