Қуръони каримнинг йигирманчи сураси номи, Маккада нозил бўлган, 135 оятдан ташкил топган. У суранинг илк ояти бўлмиш «то, ҳа» ҳарфлари номи билан аталган. Мазкур сура Пайғамбаримизга (с.а.в) хитоб билан бошланиб, сўнгра Аллоҳ таолонинг сифатлари баён этилади, Мусо ва Ҳорун пайғамбарлар қиссаси, Мусо алайҳиссаломнинг Фиръавн ва унинг лашкарлари, сеҳргарлар билан мужодала-муборазалари батафсил келтирилади. Унда қиёмат куни, ҳисоб-китоб, жаннат-дўзах манзаралари ҳам зикр этилган.
