Луғатда «қудратли илоҳа» деган маъноси бор. Исломгача мушриклар сиғинган уч машҳур маъбудадан бирининг номи. Ҳатто Макка яқинидаги Хурад водийида Уззо ибодатхонаси бўлган. Мушрик қурайшийлар сиғинадиган яна икки маъбуда + Лот ва Манот Уззонинг қизлари ҳисобланган. Макка фатҳ этилганидан кейин Пайғамбаримиз (с.а.в.) топшириқларига кўра барча ширк нарсалар қатори Уззо ибодатхонаси ҳам Холид ибн Валид томонидан бузиб ташланган.
