«Иккинчи Умар» ҳам дейишади. Милодий 681 йилда туғилган. Умар ибн Хаттобнинг эвараси, умавийлар халифаси. Миср, Дамашқда яшаган, Мадина ноиби бўлган. Халифа Абдулмалик топшириғига кўра Расулуллоҳ (с.а.в.) мсжидларини қайта таъмирлаган. Милодий 717-720 йилларда умавийлар салтанатини бошқарган. Ислом олимлари уни якдиллик билан умавий ҳукмдорлар орасида ягона тақводори деб ҳисоблашган. Иккинчи Умарнинг ўта тақволи, зоҳид, камтар, адолатпарвар, раиятпарвар бўлгани ҳақида кўплаб ривоятлар бор. Милодий 720 йилда Шомда вафот этган.
