Луғатда «зиёрат, ободлик», деган маънода. Каъбатуллоҳни махсус ҳолатда, махсус кийимда зиёрат қилиш «умра» дейилади. Уни «кичик ҳаж» деб ҳам аташади. Умрда бир марта умра қилиш таъкидланган суннатдир. Умрани қурбон ҳайитининг чин арафаси, биринчи ва ташриқ кунларидан ташқари йил давомида адо этиш мумкин. Умра иҳром, Каъбани тавоф қилиш, Сафо ва Марва оралиғида саъй қилишдан иборат.
