Абу Соҳиб Усмон ибн Мазъун ибн Ҳубайб ибн Ваҳб ибн Хузофа ибн Жумаҳ (р.а.), саҳобалардан. Расулуллоҳ (с.а.в.) Арқам ҳовлисига киришларидан олдин мусулмон бўлганлар. Ҳабашистонга икки марта ҳижрат қилдилар. Жоҳилият даврида ҳам ўзларига ароқни ҳаром қилиб олганлардан эдилар. Бадр ғазотида иштирок қилганлар. Ибодатга машғул зотлардан эдилар. Ҳижратнинг учинчи йили шаъбон ойида вафот этдилар. Расулуллоҳ бу зотни ўпиб «Салаф солиҳ», деб номладилар. Биринчи бўлиб «Бақиъ» қабристонига дафн этилганлар.
