Утба ибн Ғазвон (р.а.), таниқли саҳобийлардан. Еттинчи бўлиб Исломга кирганлар. Икки марта ҳижрат қилганлар. Бадр, Уҳуд, Хандақ ва бошқа жангларда қатнашганлар. Ямома жангида шижоатлари билан ҳаммани лол қолдирганлар. Ҳазрати Умар даврларида Басра ва Убулла шаҳарлари фатҳида қўшинга қўмондон бўлганлар. Ҳазрати Умар замонларида Мадинада туядан қулаб вафот этганлар.
