Луғатда «англовчи, тушунувчи, идрок қилувчи» маъноларини анлатади. Истилоҳда эса шаръий ҳукмларни мукаммал билган, фиқҳ илмининг билимдони, бирор масала туғилса унга Қуръон, Суннат, ижмоъ, қиёс каби манбалар асосида фатво чиқариб бера оладиган олим «фақиҳ» дейилган. Фақиҳларнинг энг юқори даражадагиси мужтаҳиддир. Маълум бир мазҳабнинг фиқҳини ишлаб чиққан ва шу асосда фатво бера олган муфтийлар ҳам фақиҳ саналган.
