Фотима бинти Хаттоб (р.а.), Умар ибн Хаттобнинг сингиллари, ҳаётлик даврида жаннат билан башоратланган Ашараи мубашшаранинг бири, машҳур саҳобий Саид ибн Зайднинг хотини. Ислом билан илк шарафланган ўнликка кирадилар. Эрлари билан Мадинага ҳижрат қилганлар. Умрларининг охиригача иймон лаззати ва фазилати билан яшадилар. Акаларининг Ислом давлатига халифа бўлиб, уни адолат билан бошқарганларини кўрдилар ва у зот даврларида вафот этдилар.
