Мино тоғининг жанубий ёнбағрида, кичик жамрага яқин жойлашган масжиднинг номи. Тоғ сатҳидан пастда, сел сувидан баландликда бўлгани учун «Хайф масжиди» деб номланган. Ушбу масжид ўрнида Расулуллоҳ соллаллоҳу алайҳи васаллам ва у зотдан олдинги набийлар намоз ўқишган. Язид ибн Асвад: «Набий соллаллоҳу алайҳи васаллам билан бирга ҳаж қилдим. У зот билан бирга Хайф масжидида бомдод намозини ўқидим», деб айтганлар (Термизий). Тарих давомида мусулмон халифалари томонидан ушбу масжид аҳамиятли жой бўлган.
