Луғатда «тўсиш, бекитиш, ачитиш» маъноларида келади. Истилоҳда тановул қилган кишининг ақлига таъсир кўрсатадиган (маст қиладиган), танасини бўшаштирадиган ароқ, шароб ва бошқа алкохолли ичимликлар, наша, қорадори каби гиёҳванд моддалар «хамр» деб аталади. Хамр Қуръони карим ва Суннат ҳукми билан ҳаром қилинган. Пайғамбар алайҳиссалом: «Маст қилувчи ҳамма нарса хамрдир, ҳар бир хамр ҳаромдир», деганлар. (Бухорий ва Муслим).
