«Хилват» луғатда «бир ерда ёлғиз қолиш» деган маънони билдиради. Хилвати саҳиҳа (саҳиҳ хилват) эр-хотиннинг ҳеч ким кўрмайдиган, биров ўз ихтиёри билан кира олмайдиган, берк ёки берк ҳисобланадиган бир жойда биргаликда ёлғиз қолишидир. Никоҳ ва талоқ илмида эр ёки хотиннинг бирида жинсий муносабатга тўсиқ бўладиган бирор ҳолат (масалан, хасталик, фарз намоз, ҳаж эҳромида, ҳайз, нифос) бўлмаса, хилвати саҳиҳа саналади.
