Хожа Убайдуллоҳ Аҳрор Валий, Мовароуннаҳрнинг машҳур тасаввуф шайхи ва олими, валий зотлардан, нақшбандия тариқатининг пири муршиди. Милодий 1404 йилда Тошкентда туғилган. Тошкент, Самарқанд ва Ҳиротда йирик олимлардан таҳсил олган. Яъқуб Чархийдан тасаввуф илмини ўрганган. Айни пайтда мамлакатнинг сиёсий ишларида қатнашиб, ҳукмдорларни адолат ва эзгуликка чорлаган. Унинг «Фақарот ул-орифин», «Волидия», «Ҳавроия» каби рисолалари бор. 1490 йилда Самарқандда вафот этган.
