Хожа Муҳаммад ибн Абдуссалом Боқийбиллоҳ, ўнинчи асрнинг улуғ валийларидан. Ҳижрий 971 (милодий 1563) йилда Кобулда туғилган. Исломнинг улуғ олимларидан Имом Раббоний Сарҳиндийнинг устози ва пири-муршиди. Самарқандда Мавлоно Хулвонийдан дарс олган. Мовароуннаҳр, Ҳиндистонда тасаввуф илмини ўрганган, Баҳоуддин Нақшбанддан файз олган. Қирқдан зиёд мактублари «Зубдат ул-ақомат» китобига киритилган. Ҳижрий 1012 (милодий 1603) йили Деҳлида вафот этган, турбаси Кутобрул масжиди ёнида.
