Хожа Ориф Моҳитобон Ревгарий Бухоронинг Шофиркон шаҳрида туғилган Хожагон-Нақшбандия тариқатининг улуғ шайхларидан. Бухоролик етти пирнинг иккинчиси. Хожа Абдухолиқ Ғиждувонийдан тасаввуф тариқатини ўрганган, у зотнинг тўртинчи халифаси сифатида кейинчалик сулук юритган. «Силсилаи шариф»да 11-халқанинг пири, «Авлиёлар қутби», «Валийлар раҳнамоси» унвонлари бор. Хожа Маҳмуд Фағнавийнинг устози. «Орифона» асари нашр этилган. Милодий 1259 йили вафот этган, қабри Шофирконда.
