Шарафуддин Али Яздий, таниқли тасаввуф шайхларидан, машҳур муаррих. Эроннинг Язд шаҳрида туғилган. Шерозда темурийлар саройида хизмат қилган. Унинг тарих, тариқат, илми нужум, адабиётга доир ўнлаб асарлари бор. Булардан «Зафарнома» (Зафарнома ёки Фатҳномаи Соҳибқирон), Ҳақойиқ ут-таҳлил», «Шарҳи Қасидаи бурда», «Шарҳи Асмои Аллоҳ», «Муншаот» кабилар машҳур. Ҳижрий 858 (милодий 1454) йилда вафот этган, қабри Язднинг Тафт деган мавзеида.
