Аҳмад Абдураҳим Шоҳ Валийуллоҳ, Ҳиндистонда Ислом таълимотининг йирик намоёндаси, диний ислоҳотчилик ҳаракати асосчиси. Милодий 1703 йилда туғилган. Мадрасани тугатиб, отаси асос солган «Мадрасаи Раҳимия»да фиқҳ, мантиқ, фалсафа мударриси бўлган. У мусулмонлар ўртасида илм-маърифатни, ахлоқий тарбияни кучайтириш ғояси билан чиққан. Дин асослари ва фалсафага доир 50 дан ортиқ асари бор. 1762 йили вафот этган.
