Абу Зайд Қутаййа ибн Омир ибн Ҳадида (р.а.), саҳобий. Ансорлардан биринчи бўлиб Исломга кирган олти киши билан биргаликда Расулуллоҳ (с.а.в.) билан учрашганлар. Икки Ақоба байъати, Бадр ҳамда ундан кейинги барча маъракаларда Расулуллоҳ (с.а.в.) билан биргаликда қатнашганлар. Номи машҳур чавандозлардан бўлганлар. Уҳуд куни тўққиз жойларидан жароҳатланганлар. Усмон ибн Аффон халифалиги даврида вафот этганлар.
