Луғатда «ўраб олувчи» деган маънода, Қуръони каримнинг саксон саккизинчи сураси номи, Маккада нозил қилинган, 26 оятли. Сура барча халойиқни ўз даҳшати билан ўраб оладиган қиёмат куни рўй берадиган воқеа-ҳодисаларни баён қилиш билан бошлангани учун шундай номланган. Бу сурада ҳам Еру осмондаги ҳар бир мавжудот ягона Яратувчининг + Аллоҳ таолонинг борлигига далолат қилиб туриши таъкидланади.
