Луғатда «совға, туҳфа» маъноларини билдиради. Унинг «ҳиба, атиййа, минҳа» деган бошқа номлари ҳам бор. Бир кишининг бошқа бир одамга ҳеч қандай эвазсиз, беғараз тарзда берадиган молиявий нарсаси «ҳадя» дейилади. «Пайғамбар алайҳиссалом ҳадя қабул қилар ва унга яраша мукофот берар эдилар» (Бухорий, Абу Довуд, Термизий). Бу зот ҳатто ғайридинларнинг ҳадясини ҳам қабул қилганлар. Шу билан бирга берганларнинг ҳадясидан ҳам афзалроқ қилиб жавоб қайтарганлар. Исломда берилган ҳадяни қайтариб олиш ҳаром саналади.
