Ислом арконларидан бирининг номи, Қуръони каримнинг йигирма иккинчи сураси шундай аталган, Мадинада нозил бўлган, 78 оятдан иборат. Сурада қиёмат олдидан ва ўша кундаги даҳшатлар, Аллоҳ амрларини бажарганлар ўша кунда хавф-хатарсиз бўлишлари, дин-иймонсиз кишилар эса хор-расво бўлишлари зикр қилинади. Сурада динимиз арконларидан ҳаж ибодати ва «Эски уй» + Байтуллоҳ хусусида батафсил баён қилингани учун у Ҳаж сураси деб аталади.
