Асли исми Ҳажжож ибн Юсуф ас-Сақафий, золимлиги билан ном қозонган ҳукмдорнинг номи. Милодий 661 йили туғилган. Ҳазрати Умар замонларида умавийлар волийи, қози ва хатиб бўлган. Кейинчалик Абдулмалик ибн Марвон ва Волид ибн Абдулмалик даврларида йигирма йил Ироқ волийи бўлган. Тарихчиларнинг  ёзишича, бу даврда у бир юз йигирма минг одамни ўлимга ҳукм қилган ва юз минлаб одамларни, жумладан аёлларни зиндонга ташлатган. Шунинг учун Ҳажжож Золим лақабини олган. Айни чоғда у катта олим ва маърифатпарвар шахс, нафси камсуқум одам бўлгани ҳам маълум. Унинг ташаббуси билан Қуръон матнига ҳаракатлар қўйилиб, ўқилиши осонлаштирилган. Милодий 714 йилда вафот этган. Ундан биргина Қуръон, шахсий қуроли ва бироз пулдан бошқа ҳеч нарса қолмаган.