Ҳазратия Мория Қибтий (р.а.), Пайғамбаримиз Муҳаммад алайҳиссаломнинг завжаи мутоҳҳараларидан. Ҳижрий 7 йилда Миср ҳукмдори Расулуллоҳга (с.а.в.) мисрлик икки жорияни ҳадя қилиб юборади. Улар Мадинага келишда Исломни қабул қилишади ва жорияликдан халос бўлишади. Пайғамбаримиз улардан Мория исмли бирига уйланадилар. Бу ҳодиса мисрликлар билан алоқани яхшилашга катта таъсир кўрсатди. Расули акрамнинг кенжа ўғиллари Иброҳим ана шу Мориядан туғилган. Ҳазрати Мория ҳижрий 16 йилда вафот этдилар.
