Луғатда «тўғри йўл» деган маънони англатади. Истилоҳда Аллоҳ таоло Ўз бандалари учун кўрсатиб қўйган энг тўғри йўл, иймон-эътиқод йўли «ҳидоят» деб аталади. У «залолат»нинг зиддидир. Қуръони каримнинг бир неча сураларида Аллоҳ таоло Ўзи хоҳлаган кишиларнигина ҳидоятга бошлаши зикр қилинади. Аллоҳ таоло Ўз расулига хитобан: «Сиз хоҳлаган кишингизни ҳидоятга эриштира олмайсиз, лекин Аллоҳ Ўзи хоҳлаган кишига ҳидоят ато қилур», дейди.
