Ҳубайб ибн Адий ибн Молик Авсий ал-Ансорий (р.а.), саҳобийлардан. Бадр жангида қатнашиб, таниқли мушриклардан бирини ўлдирганлар. Уҳуд ғазотида Расулуллоҳ (с.а.в.) билан бирга муҳорабада қатнашганлар. Ислом динини ёйишда хизматлари катта бўлган. Мусулмонлар ичида қатл этилаётган пайтда икки ракат намоз ўқишни жорий қилганлар. Ҳижрий 4 йилда Расулуллоҳ (с.а.в.) Ражийъ деган жойга Осим ибн Собит бошлиқ бир гуруҳ мусулмонларни дин ўргатиш ва аҳволни билиш учун жўнатганларида мушриклар уларни алдаб асирга олади ва улардан бир нечасини қатл қилади. Шаҳид бўлганлар орасида чормихга михланиб ўлдирилган Ҳубайб ҳам бор эдилар.
