Ҳусомиддин Умар ибн Абдулазиз ал-Бухорий, Мовароуннаҳрнинг машҳур фиқҳ олимларидан. Милодий 1090 йилда Бухорода туғилган. Салжуқийлар даврида бутун Мовароуннаҳрнинг «қозилар қозиси» бўлган. Саккизта асари бор. Улардан «Ал-воқеот ал-Ҳусомийя фи мазҳаби ал-ҳанафийя», «Жомеъ ус-сағир». «Усул ул-фиқҳ» машҳур. Милодий 1141 йили Самарқанд яқинида ҳалок бўлган ва «садри шаҳид» лақабини олган.
