Ражаб Тоййиб Эрдўған БМТ Бош Ассамблеяси йиғилишида Ғазо резолюцияси бўйича овоз беришда бетараф қолган давлат раҳбарлари билан телефон орқали мулоқот қилиш ниятида эканлигини маълум қилди.

Исроил Ғазо шаҳри ва унинг аҳолисини бутунлай йўқ қилиш стратегиясини амалга оширмоқда. Мен Исроилни террорчи давлат деб очиқ эълон қиламан. Бу ҳақда Туркия президенти Ражаб Тоййиб Эрдўғон чоршанба куни Анқарада ҳукмрон Адолат ва тараққиёт партияси (АКП) парламент фраксияси йиғилишида сўзлаган нутқида айтди.

Шу билан бирга, Туркия давлат раҳбари Исроил бош вазири Бинямин Нетаняхуга блокададаги Ғазо секторидаги ташаббуслари муносабати билан мурожаат қилди.

“Мен Нетаняхуга мурожаат қиламан: сенда атом бомбаси, ядровий бомба бор ва сен у билан таҳдид қиласан. Сенда нима бўлишидан қатъий назар, сен барибир кетасан, - деди президент.

Эрдоған, агар Исроил қирғинни шу тарзда давом эттирса, бутун дунё лаънатлаган террор давлати эканлигини ҳамма тан олишини қайд этди.

Туркия етакчиси Анқаранинг Фаластиннинг ҲАМАС ҳаракати борасидаги позитсияси ҳақида гапирар экан, Туркия бу ҳаракат аъзолари ўз ватанини ҳимоя қилаётган қаршилик жангчилари эканини эълон қилишдан тортинмаслигини айтди.

"Агар бу баъзиларни безовта қилса ҳам, биз ХАМАС аъзолари ўз ватанини ва халқ ҳаётини ҳимоя қилишга ҳаракат қилаётган қаршилик жангчилари эканлигини айтишдан ҳеч иккиланмаймиз", деди у.

Бундан ташқари, Эрдўған БМТ Бош Ассамблеяси томонидан 121 овоз билан қабул қилинган Ғазо бўйича резолюция бўйича овоз беришда бетараф қолган давлат раҳбарлари билан телефон орқали мулоқот қилиш ниятида эканлигини маълум қилди.

“Туркия Фаластинга кўринадиган ва кўринмас гуманитар ёрдамнинг барча шаклларини кўрсатиш орқали Исроилни халқаро майдонда яккалаб қўйишда давом этади. Бундан ташқари, биз Ғазонинг мазлум аҳолисига шафқатсиз муносабатда бўлган Исроил ҳарбий-сиёсий раҳбариятини халқаро судга бериш чораларини кўрамиз”, — деди президент.