Исроилда Эрон ракета ҳужумларидан мулкка етказилган тўғридан-тўғри зарар 4 миллиард шекелга (1,08 миллиард долларга) етди.
2025 йил 20 июнь, жума куни эрталаб ҳолатига кўра, Солиқ бошқармасининг компенсация фондига 2025 йил 13 июндан бошлаб Эрондан қилинган ракета ҳужумлари натижасида мулкка етказилган зарарни қоплаш учун 30735 та даъво аризаси келиб тушган.
25040 та даъво аризаси кўчмас мулкка етказилган зарар бўйича, 2623 таси автотранспортга етказилган зарар бўйича ва 3006 таси кўчма мулк ва ускуналарга етказилган зарар бўйича берилган.
Турар жой биноларига етказилган зарар туфайли 8190 киши эвакуация қилинган.
Компенсация фонди директори Амир Даханнинг сўзларига кўра, Эрондан қилинган ракета ҳужумларидан етказилган тўғридан-тўғри зарарнинг қиймати 4 миллиард шекелга етган.
Таққослаш учун, 2023 йил 7 октябрдан Эрон билан уруш бошлангунига қадар бўлган даврдаги умумий тўғридан-тўғри зарар 2,5 миллиард шекелни ташкил этган эди.
Зарар қийматидаги бундай катта фарқнинг асосий сабаби — Эрон баллистик ракеталарининг ҲАМАС ёки "Ҳизбуллоҳ" ракеталарига нисбатан анча кучлилиги, шунингдек, асосий зарар ҳозирда Гуш-Данга тўғри келаётганидадир, бу ерда кўчмас мулкнинг нархи Ғазо секторига ёки Ливан чегарасига яқин ҳудудларга қараганда сезиларли даражада юқори.
Абу Муслим
