Германия терма жамоаси собиқ футболчиси, Антонио Карбахал, Рафаэл Маркес, Лионел Месси, Криштиану Роналду ва Андрес Гуардадо каби 5 та Жаҳон чемпионатида қатнашган Лотар Маттеус ФИФА версиясига кўра «2023 йилнинг энг яхши футболчиси» номинациясида овоз бериш натижаларига ўз муносабатини билдирди.

The Best мукофоти «Интер Майами» ва Аргентина терма жамоаси  ўйинчиси Лионел Мессига насиб қилди.

«Бу сафар у ғолиб бўлмаслиги керак эди. Менимча, Месси сўнгги 20 йилликнинг энг яхши футболчиси эди, лекин ҳозир у "Интер Майами"да ўйнаяпти, у ерда шов-шув кўтармоқда, лекин у ерда ҳеч қандай йирик титул ютмади», — дея Маттеуснинг сўзларини келтиради Goal нашри.

ФИФА талқини бўйича 2023 йилнинг энг яхши футболчиси номи учун курашда Месси "Манчестер Сити" ҳужумчиси Эрлин Холанд ва "ПСЖ" ҳужумчиси Килиан Мбаппени ортда қолдирди.

Ўтган ёздан бери 36 ёшли аргентиналик МЛСнинг "Интер Майами" жамоасида тўп сурмоқда. Бунгача у ПСЖ футболчиси эди.