Роналдунинг айтишича, у энди футболдаги энг нуфузли индивидуал мукофотларнинг обрўсини тан олмайди
Ан-Наср ҳужумчиси Криштиану Роналду бир кун олдин индивидуал мукофотлар ҳақидаги тасаввурлари борасида гапирди.
"Мен бу ташкилотларнинг иши нимага асосланганига анчадан бери ўрганиб қолганман. Ростини айтсам, маросимни томоша қилмадим. Менимча, Олтин тўп ва The Best мукофоти нуфузини йўқотди. Йўқ, бу Месси, Холланд ёки Мбаппе уларга лойиқ эмас дегани эмас, лекин мен энди бу совринларга ишонмайман.
Фактлар ва рақамлар каби нарсалар бор ва рақамлар ёлғон гапира олмайди. Ҳеч ким менинг кўрсаткичларимни мендан тортиб олмайди, бу ҳақиқат", деди Роналду.
Ан-Наср Про-лигада иккинчи ўринни эгаллаб турибди.
