Пойтахт Ар-Риёддаги Қирол Холид халқаро аеропортида уни Ар-Риёд амири ўринбосари шаҳзода Муҳаммад бин Абдулраҳмон бин Абдулазиз кутиб олди.
Ал Арабия телеканали Зеленский ташрифи давомида валиаҳд шаҳзода Муҳаммад бин Салмон билан учрашгани ҳақида хабар берди.
Учрашув чоғида икки томонлама муносабатлар кўриб чиқилиб, ҳамкорликни мустаҳкамлаш ва “Россия-Украина инқирози”ни ҳал қилиш бўйича мулоқот имкониятлари муҳокама қилингани қайд этилди.
Зеленский май ойида Саудия Арабистонига ҳам ташриф буюрган эди.
Ар-Риёд инқирозни ҳал қилишда ёки Россия ва Украина ўртасидаги асирларни алмашишда рол ўйнади.
Россия парламентининг қуйи палатаси Давлат Думаси раиси Вячеслав Володин ҳам олдинги кун Ар-Риёдда валиаҳд шаҳзода бин Салмон билан учрашди.
