Ўзбек тилида ёзилган бу шарҳда фиқҳ илмининг таърифи, мақсади ва тадвин этилишининг тарихи борасида муҳим маълумотлар тақдим этилган, шунингдек, унда ҳанафий мазҳаби уламоларининг ҳаёти, илмий мероси ҳамда уларнинг Пайғамбар соллаллоҳу алайҳи васалламгача бўлган санаддаги уламолар силсиласи ҳақида ҳам маълумотлар берилган. Тўрт фиқҳий мазҳаб асосчилари ва Имом Абу Ҳанифа раҳимаҳуллоҳ шогирдларининг таржимаи ҳоллари тўлиқ баён қилинган. Шунингдек, китобда ҳанафий мазҳаби уламоларининг табақалари зикр этилган. «Ҳидоя » асарининг арабий матни ва унинг ўзбек тилидаги таржимаси қора ёзувда берилган. Матнда келган баъзи арабча калималарнинг луғавий ва истилоҳий маъноларига тўхталиб ўтилган. Ҳанафий мазҳабига нисбатан «ҳадисларни олмасдан, ақлий далилларга таянишади », деган асоссиз танқидларга раддия сифатида фиқҳий масалаларга ҳадиси шарифлардан далиллар келтирилган. Бундан ташқари, фиқҳий масалаларга оид ояти карималар ва ҳадиси шарифларни кенгроқ шарҳлашга эътибор қаратилган. Фиқҳий масалаларнинг ҳанафий мазҳабига кўра ҳукмини баён қилиш билан бирга, бошқа фиқҳий мазҳаблар уламоларининг қарашлари ҳам зикр қилинган. Бу нарса ўқувчига бирор- бир фиқҳий масалани батафсил ўрганиш имкониятини беради.

Муаллиф: Бурҳонуддин Марғиноний

Нашрга тайёрловчилар: Ҳикматуллоҳ Абийев, Соатмурод Пиримов, Шавкатжон Халилов

Нашриёт: «Hilol» нашриёт-матбааси

Сана: 2023 йил

Ҳажми: 752 бет

ISBN: 978-9910-731-09-9

Ўлчами: 70×100 1/16

Муқоваси: қаттиқ