«Ан-Наср» ҳужумчиси Криштиану Роналду яна Саудия Арабистони чемпионатининг энг яхши тўпурарига айланди. 40 ёшли португалиялик футболчи Саудия лигасида кетма-кет иккинчи мавсум «Олтин бутса»ни қўлга киритди. Бу сафар у 35 учрашувда 25 та гол урди. Голлар пойгасида иккинчи ўринни «Ан-Аҳли» клубидан Айвен Тони 23 та гол билан эгаллади, учинчи ўринни эса Карим Бензема («Ал-Иттиҳод») ва Абдурразоқ Ҳамдалла («Аш-Шабоб») 21 тадан аниқ зарба билан бўлишиб олди.



Ўтган мавсумда Криштиану Роналду янада ишончлироқ ўйин кўрсатиб, 31 та ўйинда 35 марта рақиб дарвозасини ишғол этганди. «Ан-Наср» турнир жадвалида учинчи ўринни эгаллади. Роналду ва Садио Маненинг голлари Ар-Риёд жамоасини «Ал-Фатеҳ»га қарши сўнгги тур учрашувидаги мағлубиятдан (2:3) қутқариб қола олмади.

Мессига бундай мукафот бир марта ҳам насиб қилмаган.

Абу Муслим тайёпрлади