OpenAI ChatGPT ва бошқа маҳсулотлари туфайли йиллик даромади 10 миллиард долларга етганини маълум қилди. Компания кенгайишни режалаштирмоқда ва инфратузилмани ривожлантириш учун Microsoft билан ҳамкорлик қилмоқда.
OpenAI компанияси ChatGPT чат-ботининг тез ўсиб бораётган машҳурлиги туфайли йиллик даромади 10 миллиард долларга етганини маълум қилди. Бу ҳақда УНН CNBC'га таяниб хабар берди.
Тафсилотлар
OpenAI'нинг жорий ойлик тушумлари асосида ҳисобланган йиллик даромади 2025 йил иккинчи чораги ҳолатига кўра 10 миллиард долларга етди.
Компания бу даромадларнинг асосий манбаи ChatGPT маҳсулотларига обуналар, бизнес учун API-модел, шунингдек, Microsoft маҳсулотлари – GitHub Copilot, Microsoft 365 Copilot ва Azure OpenAI Service кабиларда ўз моделларидан фойдаланиш учун лицензиялар эканини аниқлаштирди.
«Бизнинг асосий мақсадимиз – хавфсиз ва фойдали умумий сунъий интеллектни таъминлаш, бу эса катта ресурсларни талаб қилади. Тижоратлаштириш бу ишни молиялаштиришга ёрдам беради», – дейилади компания баёнотида.
OpenAI шунингдек, унинг флагман маҳсулоти бўлган ChatGPT ҳозирда ҳар ҳафта 100 миллиондан ортиқ фойдаланувчига эга эканлигини ва Fortune 500 рўйхатидаги компанияларнинг 92% дан ортиғида фаол фойдаланилаётганини маълум қилди.
«Биз бутун дунё бўйлаб компаниялар маҳсулдорлик ва ижодкорликни ошириш учун асбобларимиздан қандай фойдаланаётганини кўрмоқдамиз ва бу фақат бошланиши», – дейишди OpenAI'да.
Қўшимча маълумот
2024 йил декабрда OpenAI компанияси йиллик даромади 5,5 миллиард долларга етганини хабар қилган эди, бу эса атиги ярим йил ичида жадал ўсишни англатади.
CNBC маълумотларига кўра, OpenAI кейинги кенгайиш ва ўз инфратузилмасини ошириш имкониятларини кўриб чиқмоқда. Компания стратегик инвестори ва асосий булутли ҳамкори бўлган Microsoft билан ҳамкорлик қилади.
Абу Муслим
